BIZIBERRITU proiektua

Une honetan Biziberritu proiektua aurrera ateratzeko lanean ari gara. Material soberakinen jasangarritasun, sormen eta ikerketara bideratutako proiektuan sakontzen gabiltza.

Proiektuaren helburu nagusia, enpresetako hondakinei ikuspegi jasangarri bat eman eta berrerabiltzea da. Material hori eskolen eskura jarriz, besteak beste, umeen esperimentazioa eta sormena ahalbideratzeko eta beraien garapen osoa bultzatzeko.

Proiektu honen bitartez, enpresetako soberakinak diren materialei aukera berri bat eman nahi zaie, NOLA baina? Bada, eskolen esku jarriz. Horrela, materialen berrerabilpena bultzatuz eta proiektu jasangarri bati atea irekiz. Proiektu jasangarria izateaz gain, berritzailea eta hezitzailea dela deritzogu eta ondorioz, gizarteari ekarpen aberatsa egingo diola sinisten dugu.

Une honetan, proiektuaren aldeko atxikipenak eta konpromisoak bilatzen ari gara.

Proiektu honek gizarteari on egiten diola uste dugu eta ziur gaude proiektu hau gure herriarentzat, Euskal Herriarentzat, ongarria dela. Atxikimendua, konpromisoa eta konfinatza da proiektuak behar duena. Guk argi dugu proiektu aberatsa izan daitekeela honakoa eta urratsez urrats, proiektua aurrera ateratzea lortu dezakegula, denon artean, bakoitzak ahal duen hori emanez. Horretan lanean jarraitzeko prest gaude. Animatzen?

Proiektuari atxikipena emateko, ATXIKIPEN ORRIA bete behar duzue. Horretarako jar zaitezte gurekin harremanetan: esperimentazioansakonduz@gmail.com -era idatzi eta berehala erantzungo dizugu.

Atxikimendua emanez, BIZIBERRITU PROIEKTUA aurrera ateratzearen garrantzia azpimarratuko duzu(e), proiektu jasangarri, berritzaile eta hezitzaile bat denaren aldetik gizartearentzako ekarpen aberatsa egingo duela sinetsiz.

Irrikan gaude zuen erantzunak jaso eta elkar harremanak sendotzen hasteko/jarraitzeko.

Beste edozertarako gurekin harremanetan jarri nahi baduzue idatzi email honetara, gustora jasoko zaitugu:

esperimentazioansakonduz@gmail.com

Zuen mezuen zain geratzen gara.